قرآن سیکھنا اور سیکھانا

قرآن سیکھنا اور سکھانا
حضورِ اکرم (ص):

بے شک قرآن الہٰی دسترخوان ہے پس جس قدر تم سے ہو سکے اس سے سیکھو۔

(جامع الأخبار، ۴۷)

حضورِ اکرم (ص):

تم سب قرآن کی تعلیم حاصل کرو اور اسے لوگوں کو سکھاؤ۔

(جامع الاحاديث، ۶۸)

حضورِ اکرم (ص):

تم میں سے بہترین شخص وہ ہے جو قرآن کی تعلیم حاصل کرے اور لوگوں کو سکھا ئے۔

(جامع الأحاديث، ۷۴٭)

حضورِ اکرم (ص):

جو شخص قرآن کی کوئی آیت کسی کو سکھا دے گا جب بھی وہ آیت پڑھی جائے گی اس سکھانے والے کو بھی اس کا اجر ملتا رہے گا۔

(مستدرك الوسائل، ۴/۲۳۵)

امیرالمومنین امام على (ع):

قرآن کی تعلیم حاصل کرو کیونکہ وہ بہترین کلام ہے۔

(نهج البلاغه، خطبہ۱۱۰)

حضورِ اکرم (ص):

اپنی اولاد کو تین باتوں کی تربیت دو تمہارے نبی (ص) کی محبت اس کے اہل بیت (ع) کی محبت اور قرآن کی تلاوت۔

(الدعوات، ۲۳۰)

امیرالمومنین امام على (ع):

بیٹے کا حق باپ پر یہ ہے کہ اس کا نام اچھا رکھے، اچھے اخلاق کی طرف ابھار ے اور قرآن کی تعلیم دے۔

(نہج البلاغه، حکمت۳۹۹)